Ola, mosteiriñas e mosteiriños!
Un ano máis estamos celebrando a obra de Rosalía de Castro!
.jpeg)
Esta vez, achegámonos a ela a través das plantas.
Rosalía de Castro, como boa romántica, estaba moi interesada nas plantas, que aparecen abundantemente na súa obra.
Sabemos que as flores que máis lle gustaban a Rosalía eran os pensamentos, pero foron as rosas as máis presentes nos seus escritos. A rosa conta cunha gran tradición literaria en Occidente e, ademais, ela xoga co nome da flor e co seu nome propio.
Despois das rosas, aparecen as árbores. Os carballos, son os segundos. Incluso, en "En orillas del Sar", arremete contra a súa talla. Rosalía ecoloxista!
Os toxos, as silveiras, as flores ventureiras, as herbas dos cemiterios e os valados, as hortalizas como a verza e cereais coma o trigo tamén son protagonistas.
Seguirémosvos contando deste proxecto con Rosalía...
Inspirados na Exposición o "Herbario de Rosalía". Clicade enriba para coñecer máis.
Ola mosteiriñas e mosteiriños!
Rematamos as festas do Entroido no cole e as continuamos nas nosas casas.
Aquí tedes unha mostra desta semana no cole en fotografías.
 |
| LUNS |
 |
| MARTES |
Chegou o venres!
A "merendola"...
O baile...
Grazas ao equipo de baile e animación!
Ola, Mosteiriñas e Mosteiriños!
Chega o Entroido!! Esta festa tradicional que desfrutamos tanto no Mosteiro!
Estamos preparados e dispostas para o Entroido 2026!!
O noso Meco luce desde o venres 6 de febreiro na entrada do noso cole para lembrarnos a troula e os seus mandadiños para a proxima semana...
- Luns:
"Para non ter un "traspés",
vén coa roupa do revés"
- Martes:
"Aínda que moito te espante,
has de vir moi elegante"
- Mércores:
"Lucirás fenomenal
cun peiteado orixinal"
- Xoves:
"Enche o Entroido de alborozo
engalanando o teu pescozo"
E, o venres?
"Liberdade terás!
O teu disfrace?
Ti verás!"
Pasearemos por Bembrive (se o tempo nos deixa) e logo, xuntos e xuntas, gozaremos coas filloas, flores, orellas... os xogos, o baile...
A troulear!!!!
Ola, Mosteiriñas e Mosteiriños!
Podedes seguir desfrutando das recomendacións de literatura en galego na nosa biblioteca. Neste caso, para o Primeiro Ciclo.
Ola, mosteiriños e mosteiriñas!
O Magosto é unha festa moi antiga. Con ela festéxase a recollida dos froitos do outono, sobre todo da castaña, froito fundamental durante moito tempo aquí en Galicia e, tamén, a chegada do frío. Celébrase polo san Martiño, e xusto ese foi o día escollido, o 11 de novembro, para celebralo no colexio.
Ademais de comer castañas asadas, tamén desfrutamos de moitos xogos cuns monitores de excepción, cos compañeiros/as de sexto de primaria da "comisión de festas do Magosto".
Aquí tedes á "Comisión de Festas do Magosto".
Moitas grazas pola vosa dedicación!
Ola, mosteiriñas e mosteiriños!
Benvidos e benvidas a un novo curso no Mosteiro!
Temos novas!
Na biblioteca podedes atopar, durante todo o curso, lecturas escollidas para vós... en galego!
Neste momento xa podedes desfrutar dunha recomendación para Infantil: no espello, a invitación e, no atril, o libro.
Segue a frecha:
"Le en galego!
Hai maxia en cada páxina"
Bo día, mosteiriñas e mosteiriños!
O 17 de maio de 2025 volvemos celebrar este día tan importante para nós, como galegas e como galegos.
O próximo sábado homenaxeamos á poesía popular oral, personificada en:
- Adolfina e Rosa Casás, de Cerceda.
- Eva Castiñeiras, de Muxía.
- Manuela Lema e Prudencia e Asunción Garrido Ameixenda, integrantes das Pandeireteiras de Mens (Malpica).
A Real Academia Galega quere recoñer a importancia da poesía popular oral, que acompaña a nosa sociedade desde sempre.
Se queredes coñecer un pouco máis, clicade enriba da imaxe.
.jpeg)
