UN MARCAPÁXINAS DE COIRO

O pasado mércores 27 de maio, celebrouse un novo obradoiro da Escola Popular. Nesta ocasión os alumnos asistentes realizaron un fermoso marcapáxina en coiro, coa forma dun ratiño.

Este foi o último obradorio do curso, e dende este blog,  queremos dar as grazas aos pais/nais que forman parte da comisión de Escola Popular, polo entusiasmo e cariño con que mes a mes preparan as actividades que realizan cos alumnos.

BARQUIÑAS RECHEAS

No obradoiro do día 29 de abril, os alumnos participantes elaboraron a seguinte receita:

Ingredientes

-     6 ovos

-     75 gr bonito en aceite escurrido

-     6 olivas

-     3 culleradas de maionesa

-     2 culleradas tomate fritido

-     2 anchoas

-     3 lonchas queixo

-     3 lonchas xamón cocido

Cocemos os ovos aprox. 10 min. e quitámoslle as cascas. Partímolos pola metade e sacámoslle a xema que votaremos nunha cunca, engadirémoslle o bonito, as olivas e as anchoas picadas, as culleradas de maionesa e o tomate fritido,  remexemos  ben e pasamos pola batidora.

Recheamos as metades de ovo con esta mixtura e colocamoslle media loncha de queixo ou de xamón cocido a modo de vela.

PIRULETAS DE CHOCOLATE

Un novo e doce Obradoiro da Escola Popular tivo lugar o pasado 25 de marzo. Como sempre resultou moi interesante, o o alumnado participante saíu moi satisfeito e desexando participar no seguinte. 

CAMIÑO DA LINGUA

Actividade levada a cabo co grupo de 3º de primaria.

Ten como obxectivo principal o coñecemento da nosa localidade a través dun xogo similar ao xogo da oca. Terán que demostrar igualmente un bo manexo da lingua galega.

Os nen@s, divididos en dous equipos, enfréntanse a preguntas sobre os principais monumentos, prazas, rúas… da nosa cidade, a probas físicas e a xogos de habilidade.

Resultou moi motivador e atractivo por tratarse dun xogo , aínda que algo longo na súa duración.

NUBES DE FROITA

Un novo obradoiro da Escola Popular tivo lugar o día 4 de marzo. Nesta ocasión, como podedes ver nas imaxes, fixeron unha receita moi saborosa .
Ahí a tedes , para que os que non puideron asistir, se animen a facela. 

Ingredientes:

* 150 gr amorodos maduros ou 1 limón.

* 250 gr azucre.

* 15 gr xelatina en follas.

* 1 clara de ovo.

* 60 gr auga aproximadamente.

* Azucre en pó.

* Triturar os amorodos e coar para quitar as pebidas, poñelos nun cazo coa auga e o        azucre, cocer ata facer un xarope. 

* Mentras hidratar as follas de xelatina en auga fria.

* Montar a clara a punto de neve forte.

* Cando o xarope esté morno engadimoslle a xelatina e remexemos ata que se disolva.

* Verteremos este preparado sobre a clara pouco a pouco sen deixar de batir durante       uns minutos.

* Verter nun molde, deixar arrefriar e cortar en anacos.

*  Envolvelas en azucre en pó.

Outro xeito é meter o preparado nunha manga pasteleira cunha boquilla grosa e lisa e facelas redondas, envolvelas tamén en azucre en pó.