O noso logotipo!

Ola, mosteiriñas e mosteiriños! 

Por fin, xa temos o noso emblema, o símbolo que representa ao equipo de Dinamización Lingüística, a "Galego no Mosteiro". O curso pasado realizouse un concurso no colexio e, entre todas as boas ideas presentadas, atopamos o logotipo gañador. Moitas grazas aos/ás participantes, foi moi difícil elixir!

Tedes expostas no cole todas as aportacións.

Xa podemos ver o noso logo en forma de selo no "lectómetro de galego" que comezamos a utilizar nesta semana.

 Boa lectura en galego!

O Samaín no Mosteiro!

Benvidas mosteiriñas! Benvidos mosteiriños!

Un novo curso, un novo Samaín para celebrar todo o colexio!

Desde o equipo de Dinamización Lingüística queremos agradecervos a vosa marabillosa e artística resposta á nosa petición de traer ao cole unha cabaza decorada para engalanar os nosos corredores. 

Ademais, puidemos "desfrutar" dunha cita especial o día 31 de outubro...

                            Pasámolo de medo!

O Día das Letras Galegas

       Bo día, mosteiriñas e mosteiriños!

       Hoxe é o Día das Letras Galegas e desexamos que sexa moi feliz para todos e para todas!

        Así lucen as colaxes feitas por todas as clases do cole! 

        En primeiro lugar, a homenaxeada deste ano: 

Luísa Villalta.

        Séguenlle outros e outras homenaxeados/as anteriormente.

           

            Podedes desfrutar destas colaxes xa que as tedes expostas na parede custodiada por dona Rosalía de Castro.

As Letras Galegas no Mosteiro!

        Bo día, mosteiriñas e mosteiriños!

     Seguimos no mes de maio... celebrando o Día das Letras Galegas. O próximo 17 de maio homenaxeamos á escritora galega Luísa Villalta Gómez. 

     Se queredes coñecela un pouco, deixámovos un enlace á páxina da Real Academia Galega (Primavera das Letras). Clicade enriba da foto.

     Neste vídeo podedes achegarvos á súa vida. No cole, estamos a coñecela como escritora, profesora de galego e violinista.

     

     Desde o equipo de Dinamización Lingüística propoñemos a cada clase do cole elaborar unha colaxe sobre un autor ou unha autora homenaxeados no Día das Letras Galegas, comezando por Luísa Villalta. Pronto teredes neste blog unha mostra destes traballos artísticos.

   Feliz Día das Letras Galegas!!

        

A CELEBRACIÓN DOS MAIOS!

         Ola, mosteiriñas e mosteiriños!
        Aquí tedes unha mostra da preparación e celebración do noso Maio o venres, 3 de maio de 2024. Canto desfrutamos!

Chegan os Maios!

       Os Maios é o nome da festa popular galega na que se fai unha exaltación da natureza ao comezo da primavera. Os seus orixes remóntanse as civilizacións prerromanas.

       A Festa dos Maios da a benvida á estación a base de natureza, música e desfiles. Unha cita  que se caracteriza polas construcións de figuras con elementos naturais como ramas ou flores, coñecidas coma maios. Durante os primeiros días do mes de maio ten lugar esta festa, tendo o seu epicentro nas provincias de Ourense e Pontevedra.
       

      O maio pódese manifestar de diferentes formas:

A árbore do Maio

       Esta modalidade mantense en poucas localidades, como Laza. Consistía en cortar a mellor árbore e chantala na praza principal. Como consecuencia da cristianización desta festa de orixe pagano, en moitos lugares convertiuse nunha cruz. É o caso do barrio de Canido (o cruceiro é o único de Galicia que se adorna o 3 de maio, coincidindo coa festa da Santa Cruz).

O Maio humano

       O maio humano estaba formado por nenos e nenas que se vestían con ramas e fiúnchos, bailaban e facían arcos de flores. Eran propios do norte de Galicia, pero na actualidade xa non existen.

O Maio figurativo

       É a forma más extendida e á que calquera galego lle vendría á cabeza ao pensar nos maios: as estruturas cónicas ou piramidais que se adornan con motivos vexetais. Froito da evolución destas esculturas, xurdiron despois os maios artísticos, que poden ter calquera forma.

      Pero o que máis triunfa, sobre todo nas Rías Baixas, é o Maio figurativo. Como o que imos elaborar no colexio a próxima semana e co que imos celebrar o venres 3 de maio o noso "Maio do Mosteiro".

      Moi importante é a musica que rodea os Maios. Desfrutade!

           

      Próximamente teredes unha mostra do noso Maio!!!

DÍA DE ROSALÍA DE CASTRO (2ª PARTE)

       ROSALÍA VIAXEIRA

      Ofrecémosvos a mostra do traballo de todas as clases do cole que aínda podedes desfrutar na entrada do cole. Noraboa!