Día das Letras Galegas 2025

       Bo día, mosteiriñas e mosteiriños!
       O 17 de maio de 2025 volvemos celebrar este día tan importante para nós, como galegas e como galegos. 

      O próximo sábado homenaxeamos á poesía popular oral, personificada en:

- Adolfina e Rosa Casás, de Cerceda.
- Eva Castiñeiras, de Muxía.
- Manuela Lema e Prudencia e Asunción Garrido Ameixenda, integrantes das Pandeireteiras de Mens (Malpica).

         A Real Academia Galega quere recoñer a importancia da poesía popular oral, que acompaña a nosa sociedade desde sempre.    

Se queredes coñecer un pouco máis, clicade enriba da imaxe.

       

DÍA DAS ARTES GALEGAS

 Ola, mosteiriñas e mosteiriños!

          A Real Academia Galega de Belas Artes, creada en 1849 para traballar en prol das artes e do patrimonio cultural galego, na súa asemblea do 31 de xaneiro de 2015, decidiu instituír o "Día das Artes Galegas"

         Escolleron o día 1 de abril en memoria da mesma xornada do ano 1188. Esta data aparece nos dinteis do Pórtico da Gloria da Catedral de Santiago de Compostela, con ela certifícase que a obra foi dirixida polo Mestre Mateo e rematada nese día.

          Este ano, 2025 a figura homenaxeada será  ISAAC DÍAZ PARDO.

           Clica no cadro e coñece un pouco máis ao artista (Vídeo curtiño realizado polo centenario do seu nacemento).

       Desde o cole quixemos achegarnos ao artista desde a súa faceta importantísima na cerámica galega, en Sargadelos. Ademais dunha empresa, concebíu Sargadelos como centro de investigación, tecnoloxía, deseño e difusor das artes e da cultura galega.

       Clica enriba da imaxe para visionar un paseo pola obra de Isaac Díaz Pardo.

     

      Axiña incluiremos unha mostra dos traballos realizados nun obradoiro de creación de imáns de arxila, na honra ao ceramista.

Día de Rosalía de Castro

Ola, de novo,  mosteiriñas e mosteiriños!

       Un ano máis, o 23 de febreiro, lembramos e homenaxeamos á nosa escritora máis importante. Un día como hoxe de 1837 nacía Rosalía de Castro en Santiago de Compostela.

A nosa Rosalía

       Este curso quixemos afondar na influencia da autora no eido musical. Cada clase traballou un poema musicalizado ou unha cantiga inspirada na vida e na obra de Rosalía. O traballo quedou recollido nunha portada e nunha imitación dun disco de vinilo desa peza musical elixida.

        Durante esta semana que rematou puidemos desfrutar da exposición conxunta, con todos os traballos, na biblioteca do colexio.

          Xunto aos "discos" puidemos descargar e escoitar todas as obras musicais escollidas e seguir desfrutando da música e a poesía de Rosalía.
   

   

        Aquí tedes cada un dos traballos expostos. Noraboa para todos e para todas! 

        

        Atención!! Se clicades enriba da imaxe poderedes acceder á cantiga e desfrutala!!